罕有公僕
Added 2021-07-21 03:45:25 +0000 UTC極度難得、極度難得、極度難得！同政府人員糾纏投訴，好少有公務員會修成正果，今朝係一個好罕有嘅例子！因為人口普查信件嘅地址嚴重錯誤，我尋日打電話俾佢哋政府統計處駡差咗好耐，叫佢哋老細負責人今朝早9:00直接打嚟我手機同我交代清楚發生乜事！呢位政府統計處嘅分區主管鐘小姐九點準時打俾我，好用心有禮貌同我解釋成個部門同同事嘅運作，並且承認錯誤，並且答應重新運作部份情況，之後仲要幾次表明「我而家除低個公務員身份用普通市民同你傾，我完全理解你嘅想法！…….」直情係最完美示範公務員點樣應對我！而且做得真係幾好！佢用咗一個鐘頭零13分鐘同我交代整件事，今日要點讚尼位公僕！
